2026
19.–20. juni 2026

SLÅTTEROCK

Tema: Hennar scene
Myraløa · Vevring · Sunnfjord
Hennar scene◆ 19.–20. juni 2026◆ TwoMinutesHate◆ Tidstyv◆ The Cocktail Slippers◆ Vevring · Sunnfjord◆ Slåtterock 2026◆ Hennar scene◆ 19.–20. juni 2026◆ TwoMinutesHate◆ Tidstyv◆ The Cocktail Slippers◆ Vevring · Sunnfjord◆ Slåtterock 2026◆
I 1938 plugga Sister Rosetta Tharpe ein elektrisk gitar inn i ei gospelkyrkje. Tjue år før nokon kalla det rock and roll. Tjue år før Elvis var Elvis. Historia gløymde nesten å seie det...

Rocken har aldri berre vore mannfolk med gitarar. Det var Rosetta som plugga inn først. Wanda som song rockabilly før Elvis. Ruth som tvinga plateselskapa til å betale artistar det dei skulda. Tina som lærte scena å brenne. Janis som slepte bluesen rett inn i rocken. Patti som gav punken eit språk.

Debbie gjorde apati til attityde. Joan slo tilbake før nokon hadde spurt. Chrissie heldt saman fire tiår med rock. Lita skar seg gjennom metal-muren med eigne strenger. Kate gjorde det rart og rett på same tid. Courtney bad aldri om orsak.

Dei bar rocken på ryggen i tiår. Ofte med halve æra og dobbelt så mykje arbeid. Historia vart skriven rundt dei, ikkje alltid om dei.

Slåtterock 2026 er vårt bukk. Same trykket, same braket, same lyset som brann på dei store scenene. Berre i mindre format.

★

So, damer og herrar, vi er stolte over å presentere vår honnør til historia: tre band, alle med kvinner framst, på ei låve ved ein fjord, under den ljosaste natta i året.

Artistar

ÅRETS LINEUP

The Cocktail Slippers
Legg til foto
Garage Rock · Oslo · sidan 2001

The Cocktail Slippers

Steven Van Zandt plukka opp ei plate deira i ein Oslo-butikk i 2003 og starta Wicked Cool Records fordi han ikkje klarte å sleppe dei. Sidan har dei delt scene med Springsteen, McCartney og Iggy Pop.

Stengjer natta Meir info
Tidstyv
Legg til foto
Rock · Oslo · sidan 2022

Tidstyv

Hanne Rye Hanssen kjem frå Nordfjordeid og syng nynorsk rock på ein måte som gjer at folk stoppar opp. Debutalbumet frå 2024 var blant dei sterkaste norske rockeutgjevingane på fleire år.

Skiftar gir Meir info
TwoMinutesHate
Legg til foto
Pop Punk · Oslo · sidan 2022

TwoMinutesHate

Banda er oppkalla etter eit konsept frå George Orwells 1984. Musikken er deretter: rask, melodisk og umogleg å stå stille til.

Opnar kvelden Meir info
Om festivalen

Fjord. Fjell. Fred.
Og ROCK.

Slåtterock held til på Myraløa i Vevring — ved Førdefjorden, berre 35 minutt frå Førde. Lett tilgjengeleg frå heile Sunnfjord og Vestlandet. Her er det ikkje storby og ikkje festivalkø. Det er berre fjord, musikk og folk som meiner det.

Me er inne i vårt 19. år. Ikkje fordi me er store — men fordi det funkar. Plass til rundt 150 menneske, laga på dugnad, med band som faktisk er verdt å sjå. Fredag: løs kveldsstemning og jamming. Laurdag: full konsert under dei ljosaste nettene i året.

Kom frå Florø, Førde, Sogndal eller Bergen. Book ei hytte, ta med telt, eller køyr tur-retur. Vevring er det slaget på kartet som overraskar deg.

~150
Personar
2
Kveldar
19
År
100%
Dugnad
Timeplan

PROGRAM

Fredag 19. juni 2026
20:00
Dørene opnar
21:00
Jamkveld & open scene Myraløa

Kan du ein coversong? Spel han. Har du eigne låtar? Endå betre. Vil du berre jame saman med andre? Perfekt. Scena er di i kveld — utan press, utan program, berre musikk og folk som trivst saman.

open scene
Laurdag 20. juni 2026
19:00
Dørene opnar
20:00
TwoMinutesHate
21:15
Tidstyv
22:30
The Cocktail Slippers
Stad & reise

Myraløa,
Vevring

Scena er ei gamal, omdanna løe rett ved Førdefjorden. Ute er det fjell, slåtteenger og stille vatn. Festivalen vaks fram her fordi det ikkje finst noko betre stad — og det kjenner du på kroppen så snart du kjem.

Frå Førde: 35 min · Frå Florø: 45 min · Frå Bergen: ca. 4 timar. Ta med telt og sov til lyden av fjorden. Eller finn ei hytte i Naustdal eller Vevring og gjer det til ei heil helg — det er verd det. Her bur artistane hjå folk langs fjorden, et frukost med utsikt og går til fots til scena. Ingen backstage-avstand. Ingen VIP-gjerde. Berre musikk, fjordluft og folk på same nivå.

Sjå kart og korleis kome dit →
LØA · VEVRING

19. – 20. juni 2026 · Myraløa, Vevring

BILLETTAR
2026

150 plassar. Når dei er borte, er dei borte.

Kjøp billett →